Ўзбекистон терма жамоаси ва Москванинг "Локомотив" клуби ҳимоячиси Виталий Денисов россиялик журналистларнинг саволларига жавоб берди.
- Сизнинг асосий қуролингиз тезлик...
- Вақт топишим билан транежёр залига бораман, кўпинча велосипед билан машқ қиламан. Югуриш йўлакчасини ёқтирмайман, чунки у оғир ва мушакларимга босим беради.
- Табиат қўйнида ҳам югурасизми, масалан, ўрмон бўйлаб кросс?
- Бунақаси бўлган, баъзан паркда югураман.
- Сиз Тошкентда туғилгансиз, Ўзбекистон терма жамоасида ўйнайсиз. У ёқдан, умуман Ўрта Осиёдан кўплаб одамлар ишлаш учун Россияга келишади. Нега?
- Нафақат Россияга. Кўплар Осиёга ишлаш учун боришади. Мен Хитойда, Германияда, Амирликларда кўплаб ватандошларимни учратганман. Россияда эса тил тўсиғи йўқ. Яшаш учун жой топиш ҳам осон. Мен ҳозир бирга ўсган дўстларим билан суҳбатлашиб тураман, улар - Амирликларда.
- Ўзбекистонда мазали мевалар етиштирадилар. Европа санкцияларини ҳисобга олганда , биринчи ўринда нимани сотиб олишни маслаҳат берган бўлар эдингиз?
- Ҳаммасини! Биринчи ўринда тарвуз ва қовунларни. Бундай мазали меваларни бошқа жойдан топа олмайсиз!
