Иордания терма жамоасини бош мураббий сифатида Тошкентга бошлаб келган Аҳмад Абдулқодир, кечаги ўйиндаги мағлубият учун масъулиятни ўз зиммасига олди.

"Биз шароитдан келиб чиқиб яхшироқ ўйнашга ҳаракат қилдик. Таркибимиздаги футболчиларнинг жисмоний ҳолати турлича эди. Ўзбекистон футболчилари эса жисмоний жиҳатдан яхши тайёргарлик эга. Боиси, ҳозирда уларда миллий чемпионат давом этмоқда ва футболчиларнинг барчаси ўз чемпионати клубларида иштирок этади. Бизда эса чемпионат энди бошланмоқда ва футболчилар маҳаллий клублар ва бошқа араб мамлакатлари клубларида ўйнашади.

Мағлубият учун баҳона қидирмоқчи эмасман, масъулиятни ўз зиммамга оламан. Аммо бу ўйин учун сўнгги бир неча кун давомида сидқидилдан меҳнат қилдик. Машғулотлар орқали футболчиларнинг жисмоний тайёргарлиги орасидаги фарқни йўққа чиқаришга уриндик. Шунингдек, машғулотларда футболчиларнинг бир-бирларини яхши тушуниб кетишларига кўп аҳамият қаратдик. Боиси, таркибда янги футболчилар ҳам, узоқ танаффусдан кейин терма жамоага қайтган ўйинчилар ҳам бор эди", - дейди Абдулқодир.