Италиянинг La Gazzetta dello Sport нашри А серия футболчилари, клублари ва мураббийларининг маошларига доир маълумотларни тақатди.
Футболчиларга ҳаммадан кўра кўр пул тўлайдиган жамоа бу амалдаги чемпион "Ювентус " бўлиб турибди.Туринликлар ўз ўйинчилари учун 118 миллион евро сарфлайдилар. Иккинчи ўринда "Рома" - 98 миллион евро ва учинчи ўринда "Милан" - 94 миллион евро.
А сериянинг энг кўп ҳақ оладиган ўйинчиси "Рома" яримҳимоячиси Даниэль Де Росси бўлиб турибди, у йилига 6.5 миллион евро маош олади. Иккинчи ўринда Гонсало Игуаин ("Наполи" - 5.5 млн евро) ва учинчи ўринда Карлос Тевес ("Ювентус" - 4.5 млн евро).
Мураббийлар орасида "Наполи" устози Рафаэль Бенитес 3.5 миллион евро йиллик маоши билан биринчи ўринда. Ундан кейин "Интер" устози Вальтер Маццарри (3.3 млн евро) ва учинчи ўринда "Рома"ни бошқараётган Руди Гарсия (2.8 млн евро) бормоқда.
