«Милан» клубининг 3 нафар асосий футболчиси жароҳат боис «Ювентус»га бўладиган "А" сериянинг 3-тур баҳсида майдонга туша олмаслиги мумкин.

«Парма»га қарши ўйинда «россонери» ҳужумчиси Стефан аш-Шаъравий майдонга туша олмаганди. 21 ёшли футболчи туринликларга қарши ўйингача тўлиқ соғайиб кета олмайди.

Бундан ташқари, ушбу баҳсда ҳимоячи Алекс ва дарвозабон Диего Лопес ҳам жароҳат олишди. Алекс захирага олинган бўлса, дарвозабон ўйин сўнгига қадар ҳаракат қилди. Боиси, «Милан»да бошқа футболчи алмаштириш имконияти қолмаганди. Лопес мушагидан жароҳат олди. Ўйиндан кейин 32 ёшли посбон қийинчилик билан ҳаракатланди.

Ҳужумчи Фернандо Торрес "Юве" билан ўйингача тайёр бўлиши ва янги жамоасида ўз дебютини ўтказиши кутилмоқда.

"Милан"га қарши ўйинни «Ювентус» футболчилари Артуро Видаль ва Андреа Пирло ўтказиб юборишади.

«Милан» – «Ювентус» баҳси 20 сентябрь куни соат 23:45 (Тошкент вақти билан)да бошланади.