Тартиб-интизом қўмитасининг навбатдаги йиғилиши бўлиб ўтди. Унга кўра, Олий Лига, Ўзбекистон Биринчилиги ва Ёшлар Биринчилиги баҳсларида иштирок этувчи бир қатор футболчиларга интизом чоралари кўрилди.
Олий Лига.
Тошкентнинг «Локомотив« клуби ҳужумчиси Александр Гейнрих, 19-турда «Андижон»га қарши баҳсда рақиб оёғига зарба бергани учун 2 ўйинга четлатилди ва жаримага тортилди.
Ёшлар Биринчилиги.
«Пахтакор» ярим ҳимоячиси Шерзод Каримов 18-турда «Олмалиқ» клубига қарши ўйинда рақиб оёғига зарба бергани учун икки ўйинга четлатилди ва жаримага тортилди.
Биринчи Лига
«Хоразм» ҳимоячиси Маъмур Абдуллаев, «Уз-Донг-Жу» клубига қарши ўйинда рақибининг бошига атайин зарба бергани учун 3та ўйинга дисквалификация қилинди ва жаримага тортилди.
«Зомин» мураббийи А. Умаров, «Истиқлол» клубига қарши ўйин якунига етгач, ҳакамлар шаънига ҳақоратли сўзларни ишлатгани боис жаримага тортилди.
«Оқтепа» ярим ҳимоячиси Сергей Рекун, «Шердор»га қарши 7-тур баҳсида ҳакамни ҳақорат қилгани учун 3та ўйинга четлатилди ва жаримага тортилди.
