"Барселона" клуби ярим ҳимоячи Серхи Роберто билан янги 5 йилга мўлжалланган шартнома тузди. 22 ёшли футболчи билан тузилган дастлабки шартнома 2015 йилнинг июнига қадар эди. Янги шартнома эса 2019 йилнинг июнига қадар амалда бўлади.
Шунингдек, шартномада футболчининг бошқа жамоаларга ўтиш шарти ҳам белгилаб қўйилган. Серхи Робертони қўлга киритишни истаган жамоалар "Барселона"га 30 миллион евро тўлашлари лозим. Маълум вазиятларда бу нарх 40 миллион еврога қадар кўтарилиши мумкин.
Серхи Роберто ўтган мавсумда "Барселона" сафида 27та ўйинда майдонга тушди. Лекин ҳозир бош мураббий Луис Энрике қўлостида ярим ҳимоячи майдонда атиги 12 дақиқа ҳаракат қилди.