“Нефтчи” – “Металлург” (2:1) учрашувидан сўнг ташкил этилган матбуот анжуманининг биринчи қисмида меҳмонлар бош мураббийи Рустам Мирсодиқов иштирок этди.

“Бугун жамоамга бироз тажриба етишмади. Бугун асосий таркибнинг 3-4 аъзоси Александр Ковалёв, Зоҳид Абдуллаев, Миртўра Акбаров жароҳат туфайли Шаҳзодбек Нурматов эса олимпия терма жамоамиз билан Осиё ўйинларига кетгани сабабли бугун жамоамизга ёрдам бера олишмади. Албатта уларнинг йўқлиги бугунги учрашувда ўз таъсирини ўтказмасдан қолмади. Лекин барибир қачондир ёшларга ҳам имконият бериш керак эди. Ўйлайманки тажрибали футболчиларимиз йўқлиги билинди”, - деб гап бошлади Рустам Тўхтамуродович.

- Бунгача “Нефтчи”га келиб қанча ўйнаган бўлсак, жамоанинг ўз ўйин услуби бўларди. Жамоада қандайдир руҳият бор эди. Лекин бугун бу нарса кўринмади. Бугун бизда ҳам йўқотишлар бўлгани учун ўзимизнинг ўйинимизда ҳам бу нарса билинди. Футболда 2-3 та етакчиларнинг йўқлиги жамоа ўйинига таъсир кўрасатади. Агарда юқорида айтиб ўтилган ўйинчилар бўлганида бугун ҳаммаси бошқача кечарди.

- Мағлубиятдан кейин хатони ўзимдан қидираман. Қаердадир хатога йўл қойилган ёки таркиб танлаш борасида хато қилган бўлишим мумкин.

- “Металлург” янги жамоа эмас. Шунинг учун кетма-кет мағлубиятлардан кейин йигитларни тайёрлаш қийин кечяпти деб айта олмайман. Деярли бир хил таркиб билан ўйнаяпмиз. Шу боис ўйлайманки кейинги учрашувга болларни тайёрлаш қийин кечмайди – дейди Мирсодиқов.