Инчеонда давом этаётган Осиё Ўйинларида футбол бўйича Ўзбекистон терма жамоаси бугун гуруҳнинг 3-турида йирик ғалабани қўлга киритди ва гуруҳда 1-ўринни эгаллаган ҳолда нимчрак финалга чиқди.
Афғонистонга қарши ўйинда терма жамоамиз тезкор гол уришга муваффақ бўлди. Бурчак тўпини Жамшид Искандеров Рашидов узатиб, қайта қабул қилиб олди ва тўпни ҳаволатиб жарима майдончасига узатди. Фозил Мусаев бош билан берган зарба дарвоза устунига тегиб қайтди. Шодиев тепган тўпни дарвозабон қайтарди. Учинчи уринишда Кримец дарвозани ишғол қилди.
Биринчи бўлим тугаши арафасида ҳисобдаги фарқни оширди. Искандеровнинг бурчакдан етказиб берган узатмасини Воҳид Шодиев бош билан дарвозага жойлаб қўйди.
Иккинчи бўлимда яна 3та гол уришга муваффақ бўлдик. Иккинчи бўлим бошида захирадан тушган Фаррух Сайфиев Шодиев-Сергеев комбинациясини голга айлантирди.
Ҳисоб 3:0га етганидан кейин терма жамоамиз бироз хотиржамроқ ўйнай бошлашди ва шунга қарамай, ўйин сўнгида яна 2та гол уришди. Ҳар иккала гол чап қанотдан узатма оширилганидан кейин дарвозага йўлланди. Дастлаб Сергеев, сўнгра Шодиев ўз ҳисобларига гол ёзиб қўйишди. Воҳиднинг турнирдаги голлари сони 4та етганини таъкидлаб ўтиш лозим.
Гонконг 3-турда Бангладешни 2:1 ҳисобида мағлуб этди ва нимчорак финалда Жанубий Кореяга тўқнаш келади. Ўзбекистон эса Саудия билан баҳс олиб боради. Ушбу ўйин 26 сентябрь куни бўлиб ўтади.
Осиё Ўйинлари, футбол.
"В" гуруҳи, 3-тур
АФҒОНИСТОН - ЎЗБЕКИСТОН - 0:5 (ОНЛАЙН ТРАНСЛЯЦИЯ)
Гол: Егорь Кримец (7), Воҳид Шодиев (42, 90+1), Фаррух Сайфиев (49), Игорь Сергеев (86)
Афғонистон: 20.Муҳаммадий Браҳим, 3.Харун Фахриддин, 4.Фарзад Ғулом Мҳаюдин, 6.Руҳуллоҳ Иқболзода, 7.Мустафо Азадзой, 8.Канишка Тоҳир, 10.Файсал Шойиста, 11.Муҳаммад Аҳмадий, 12.Сайид Муҳаммад Ҳошимий, 16.Жалолиддин Шаритёр, 19.Муҳаммад Анвар Амируддин
Захира: 1.Мансур Фақирёр, 2.Абассин Алихул, 13.Умид Муҳаммад Наим, 14.Асадуллоҳ Ҳамидуллоҳ
Ўзбекистон: 1.Элдорбек Суюнов, 2.Егор Кримец, 4.Бобурбек Йўлдошев, 7.Фозил Мусаев, 8.Жамшид Искандаров, 10.Владимир Козак, 15.Воҳид Шодиев, 16.Сардор Рашидов, 17.Игорь Сергеев, 18.Салим Мустафоев, 20.Ислом Тўхтахўжаев (С)
Захира: 3.Шерзод Файзиев, 5.Дилшод Жўраев, 6.Азамат Исроилов, 9.Шаҳзодбек Нурматов, 11.Наврузбек Алимов, 12.Никита Рибкин, 13.Давронбек Ҳошимов, 14.Акбаржон Исматуллаев, 19.Фаррух Сайфиев,
