"Манчестер Юнайтед" ҳимоячиси Люк Шоу катта эҳтимоллар билан 27 сентябрь куни "Вест Ҳэм"га қарши учрашувда дебют қилиши мумкин, дея хабар беради Daily Mail.
Ёзда 27 миллион фунт эвазига "Саутҳэмптон"дан келиб қўшилган Англия терма жамоасининг 19 ёшли футболчиси ҳали янги жамоаси сафида майдонга тушмаган.
Луи ван Гал дастлабки ўйинларда уч ҳимоячили схемани қўллаган бўлса, кейинроқ чап қанот ҳимоясида Маркос Роходан фойдаланди. Аммо навбатдаги ўйинда Рохонинг ҳимоя марказида Крис Смоллингга шерик бўлши кутилмоқда, чунки Фил Жонс ва Жонни Эванс жароҳатларини тиклаш билан банд, Тайлер Блэкетт эса "Лестер" билан ўйинда (3:5) майдондан четлатилган.
Шу тариқа жароҳатлар эпидемияси Шоуга "МЮ" сафида дебют қилишига имкон яратмоқда.