"Милан" Италия чемпионатининг навбатдаги турида ўзига ўзи муаммо яратди ва кейин ундан чиқиб кетишга ҳаракат қилди. Инзаги шогирдлари "Эмполи" майдонида бўлиб ўтган ўйиннинг дастлабки 20 дақиқасини жуда суст ўтказишди ва ўз дарвозаларидан 2та тўп олиб чиқишди.

Фақатгина бўлим сўнггига келиб миланликлар ўзларини қўлга олишди ва битта жавоб тўпини киритишди. Гол Фернандо Торрес ҳисобига ёзилди. Мазкур гол жамоанинг кайфиятини кўтариб, ғалаба учун ишонч уйғотди.

Иккинчи бўлимда "Милан" босимни ошириб борди ва бу ўз натижасини 58-дақиқада берди. Хонда ҳисобни тенглаштирди.

Кейинги дақиқаларда эса "россонери" кучли ўйин кўрсата олмади ва шунга мос равишда ғалабани ҳам таъминлай олмади.

Италия чемпионати, 4-тур
Эмполи – Милан 2:2 (2:1)
Голлар: 1:0 – 13 Тонелли, 2:0 – 21 Пуччарелли, 2:1 – 43 Торрес, 2:2 – 57 Хонда.
Эмполи – Сепе, Тонелли, Мариу Руй, Лорини (Хюсай, 69), Ругани, Верди, Вальдифьори, Кроче, Весино, Пуччарелли (Зелиньски, 76), Тавано (Маккароне, 64).
Милан – Аббьяти, Абате, Бонера, Сапата, Де Шильо, ван Гинкел (Бонавентура, 31), Н. де Йонг, Хонда, Мунтари (Поли, 46), Менез, Торрес (Паццини, 81).
Огоҳлантиришлар: Сапата (20), Мунтари (36), Весино (42), Де Шильо (50), Вальдифьори (85).
Четлатиш: Вальдифьори (86).