"Барселона" бош мураббийи Луис Энрике Испания чемпионатининг 5-турида "Малага" клубига қарши ўйин учун 19 футболчидан иборат таркибни аниқлади.
Унга ҳимоячилар Дани Алвес ва Жереми Матьё критилмаган. Мураббийлар штаби бу футболчиларга дам беришни маъқул топдилар.
Аммо бу ўйинда "Леванте"га қарши учрашувда (5:0) енгил жароҳат олган Неймар, Ракитич ва Эл Ҳаддодий қатнашишлари мумкин.
Эслатиб ўтамиз, "Барселона" ўйинчилари Хорли Масип (бармоғи синган), Томас Вермален (тизза ости пайлари чўзилган) ва Рафинья Алкантара (сони лат еган) каби футболчилари жароҳатларини даволашда давом этмоқдалар - улар "анчоуслар"га қарши аниқ ўйнамайдилар.
Учрашув бугун чоршанбадан пайшанбага ўтар кечаси бўлиб ўтади. Бу Тошкент вақти билан 01.00 га тўғри келади.