Испания Футбол Федерацияси "Реал" ҳимоячиси Серхио Рамоснинг "Депортиво"га қарши ўйинда олган сариқ карточкасини ўз кучида қолдирди.
Эслатиб ўтамиз, "Реал" сафарда "Депортиво"га қарши учрашувда 8:2 ҳисобида ғалаба қозонган эди. Ўша ўйиндаги вазиятлардан бирида ўйин ҳаками тўп Рамоснинг қўлига тегди деб ҳисоблайди ва футболчини огоҳлантиради. "Реал" клуби эса ўша вазиятда ҳакам нотўғри қарор чиқарди деб ҳисоблайди ва мазкур карточка юзасидан апеляция беради.
"Вазият такрор кўрилган вақтда учрашув ҳаками нотўғри қарор чиқарганига ҳеч қандай асос топилмади. Сариқ карточка ўз кучида қолади", -дейилади ИФФ апеляция қўмитаси қарорида.