ФИФА президенти Йозеф Блаттер еврокубокларда меҳмонда урилган гол устунлиги қоидасига ўзгартиришлар киритилиши кераклиги ҳақидаги сўзларини изоҳлаб берди.
"Мен ҳақиқатан ҳам бу қоидага ўзгартириш киритишни истаган эдим, аммо гап жавоб учрашувларидан сўнг бериладиган қўшимча вақтлар ҳақида эди.
Бу қоида қўшимча вақтларда меҳмонларнинг голи устунлигини йўқотиб, регламентдаги 90 дақиқада амал қилиши керак.
Акс ҳолда меҳмонлар жуда катта устунликка эга бўладилар", - дейди Блаттер.
Эслатиб ўтамиз, меҳмонда урилган гол устунлиги қоидаси 1965/66 мавсумдан буён амал қилиб келмоқда.