Ўзбекистонга қарши ўртоқлик ўйинидан кейин матбуот анжуманида иштирок этган БАА бош мураббийи Маҳди Али қуйидагиларни таъкидлаб ўтди:

"Биз бугун ёмон ўйин ўтказдик. Бундан хулоса чиқарамиз. Янги футболчиларга имконият беришга ҳаракат қилдим. Лекин кўп футболчилар ўз савиясида ўйнай олишмади. Мағлубият аламини ҳис қилмасдан туриб ғалаба қувончини ҳис қилиб бўлмайди. Биз кейинги расмий ўйинларда мазкур мағлубият ўрнини ғалабалар билан босишга ҳаракат қиламиз.

Австралияга қарши кучли ўйиндан кейин 3 кун дам олиш имкониятига эга бўлдик. Ушбу ҳолат ҳам футболчиларнинг ўйинига салбий таъсир кўрсатди. Ўйинчиларни халқаро баҳсларга тайёрлаш учун 3 кун етарли эмас. Бундай пайтда миллий чемпионат ўйинларини қолдириб туриш керак. Яхшиямки, ушбу мағлубият ўртоқлик учрашувида рўй берди. Биз бу ўйинда экспериментлар қилгандик. Форс кўрфази кубоги мусобақасигача яна 2та ўртоқлик учрашувини ўтказамиз", - дейди Маҳди Али.