«Краснодар» ғалабани сақлаб қола олмади
Россия Премьер-лигасининг 10-туридан ўрин олган "Краснодар" ва "Зенит" жамоалари ўртасидаги учрашув жанговар дуранг билан якунланди.

Дастлабки 20 дақиқа ичида краснодарликлар иккита тўп фарқи билан олдинга чиқиб олишди: 5-дақиқада Сигурдсон, 19-дақиқада Мамаев гол муаллифига айланишди. Биринчи бўлим охирига қадар меҳмонлар битта жавоб тўпини киритишга муваффақ бўлишди.

Ўйиннинг 61-дақиқасида эса Халкнинг индивидуал маҳорати эвазига ҳисоб тенглашди. Орадан кўп ўтмасдан бош ҳакам "Зенит"нинг аргентиналик ҳимоячиси Эсекьел Гарайни майдондан четлатди.

Ўйин сўнгида Одил Аҳмедов ғалаба тўпини киритиши мумкин эди. Бироқ унинг олис масофадан йўллаган зарбасини Юрий Лодигин бармоқлари билан майдон ташқарисига чиқариб юборишга муваффақ бўлди.

РПЛ, 10-тур
Краснодар – Зенит 2:2 (2:1)
Голлар: 1:0 – 7 Сигурдссон, 2:0 – 21 Мамаев, 2:1 – 38 Хави Гарсия, 2:2 – 60 Халк.
Краснодар – Дикань, Гранквист, Сигурдссон, Енджейчик, В.Калешин, Одил Аҳмедов, Газинский, Перейра (Лаборде, 64), Мамаев (Петров, 74), Жоаозиньо, Ари (Вандерсон, 75).
Зенит – Лодигин, Нету, Смольников, Гарай, Анюков, Файзулин, Хави Гарсия, Данни (Ломбертс, 72), Аршавин (Кержаков, 72), Рондон (Витцель, 61), Халк.
Огоҳлантиришлар: Гранквист (29), В.Калешин (56), Хави Гарсия (58).
Четлатиш: Гарай (69).