«Барселона» ҳимоячиси Даниэл Алвес Испания чемпионатининг 9-тури доирасида «Реал»га қарши кечадиган марказий ўйини борасида ўз фикрларини билдириб ўтди.
«Умид қиламан, биз яхши ўйнаймиз. Чемпионлар лигаси баҳсида ғалаба қозондик ва "классико"га яхши формада келяпмиз. "Реал"ни албатта мағлуб этамиз деб ваъда бера олмайман, аммо биз курашамиз. Бундан бошқа йўлимиз борми? Бундай ўйинларда бошқача бўлиши мумкин эмас. Бошқачаси қўлимиздан келмайди.
Бу ерда кўп нарса керак эмас — майдонга чиқасан, ўйнайсан ва ўзингга ишонасан», – дейди Алвес.
Эслатиб ўтамиз, «Реал» – «Барселона» ўйин шанба куни Тошкент вақти билан соат 21:00да бошланади.