«Челси» бош мураббийи Жозе Моуриньо «Барселона» клуби собиқ ярим ҳимоячиси Франсеск Фабрегас билан муносабатлари борасида ўз фикрларини билдириб ўтди.
«Фабрегас мен ўйлагандан ҳам кўра яхши инсон экан. У ажойиб йигит ва ажойиб профессионал. Мен Сескни «Барселона»даги ўйинлари орқали билардим. "Барселона"дагилар унинг қанчалик яхши эканини тушунишмаган кўринади. Фабрегасни ўзи кўникмаган жойда ўйнатишди. Лекин унинг топ-футболчи эканини анчадан бери билардим», – дейди Моуриньо.
Фабрегас Англия Премьер-лигасининг ушбу мавсумида 8та ўйинда майдонга тушиб, 1та гол урди ва 7та голли узатмани амалга оширди.