Англиянинг "Манчестер Юнайтед" клуби ярим ҳимоячиси Анхель Ди Мария Премьер-лигадаги фаолияти борасида ўз фикрларини билдириб ўтди. Аргентиналик футболчи 8та ўйинда 3та гол уриб, 4та голга ассистентлик қилди.
«Манчестер Юнайтед"га ўтганимдан бағоятда хурсандман. Ўзим билан фахрланаман. Тушунтириб бера олмайман, лекин мен бу жамоа футболкасини кийишни жуда ҳам истагандим. Еттинчи рақам остида ўйнаш жуда ҳам ёқимли! Бу рақамли футболкада клуб тарихидаги энг яхши футболчилар ўйнаган. Мен буни яхши биламан, бу рақам мухлислар учун катта аҳамиятга эга. Ўйлайманки, мухлислар менинг ўйинимдан қониқиш ҳосил қилишмоқда. Шу боис мен бу футболкани эъзозлашим лозим.
Тан оламан, "МЮ"га ўтишимга қадар ҳам менда шундай ҳиссиётлар бўлганди. Якунда эса барчаси амалга ошди. Ҳозирча барчаси мен учун идеал даражада кечмоқда», – дейди Ди Мария.
