Ўйиннинг энг сўнгги дақиқаларида "Челси" дарвозасини ишғол қилиб, "Манчестер Юнайтед"ни мағлубиятдан қутқариб қолган Робин ван Перси, учрашувдан сўнг ўз фикрларини билдириб ўтди.

«Аралаш ҳиссиёт — биз бугун ғалаба қозонишимиз ҳам мумкин эди. Ўйин бошида гол уриш учун 2та имкониятга эга бўлдим. Мен ҳар доим ижобий фикрлайман. Ҳамиша кейинги имкониятни қидираман, бахтимизга, менга бундай имкониятни беришди. Ғалаба қозониб, "Челси" билан орадаги фарқни 3 очкога қисқартиришимиз мумкин эди, якунда дуранг билан чекландик.

Ҳар кунлик машғулотлардан кейин ишларимиз яхшиланиб бормоқда. Биз тўп билан яхши ишлаяпмиз ва сифатли ўйнамоқдамиз. Лекин бундай футболни узоқ вақт давомида ўйнаш лозим. Энди эса бундай руҳда 90 дақиқа давомида ўйнашга ҳаракат қилишимиз лозим.

«Манчестер Юнайтед» «Челси»ни қувиб ета олади, албатта. Олдинда ҳам узун йўл турибди. Ҳали чемпионатнинг ўртасига ҳам келмадик», – дейди ван Перси.