«Барселона» ҳимоячиси Жереми Матьё "Реал"га қарши ўйинда чап қанот ҳимоясида ўйнаганидан ҳайрон бўлганини таъкидлаб ўтди. Луиса Энрике жамоаси ўйин бошида ҳисобни очганига қарамай, якунда мағлубиятга учради — 1:3.
«Бу ўйинда чап қанот ҳимоясида ҳаракат қилганим мени ҳайрон қолдирди. Лекин қарорни бош мураббий қабул қилади. Биз ўйинни жуда яхши бошладик, аммо рақибнинг қарши ҳужумларига дош бера олмадик. Айнан шу томонлама "Реал" кучли. Уларнинг иккинчи голи бизга қаттиқ таъсир қилди. Жамоамизда баланд бўйли футболчилар етарли бўлишига қарамай, биз ҳамон "иккинчи қават"да муаммоларга дуч келяпмиз. «Барселона» бу томонлама ҳали ривожланиши лозим», — дейди Матьё.
