«Барселона» клубининг собиқ президенти Жоан Лапорта 47,6 млн евро тўламайдиган бўлди. Шундай талаб билан судга мурожаат қилган каталонияликларнинг ҳозирги президенти Хосеп Мария Бартомеунинг шикоятини судья Хосе Мануэль Мартинес Боррего қондирмади.
«Барселона» Лапорта ва 16 нафар собиқ ходимлар 7 йиллик фаолият давомида юқоридаги суммада клубга зарар келтирган деб ҳисоблайди. Таъкидлаш лозим, Лапорта фаолиятининг сўнгги йилида «Барселона»га 11 млн. евро фойда келтирган.
«Биз ҳалол ва яхши ишладик. Клубдаги қилган ишларим ва ходимларим билан фахрланаман», — дейди Лапорта "Marca" нашрига берган интервьюсида.
