Англиянинг "Манчестер Юнайтед" ва колумбиялик ҳужумчи Радамель Фалькао янги шартнома борасида келишиб олишди.
Июнь ойида Фалькаонинг клуб билан ижара шартномаси якунига етади ва шундан сўнг ҳужумчи доимий шартномага имзо чекади. Янги шартномага кўра, Радамель ҳафтасига 240 минг фунт ола бошлайди. Янги шартноманинг муддати ҳозирча ошкор қилинмаяпти, лекин у 4 йилга тузилиши тахмин қилинмоқда.
Эслатиб ўтамиз, Фалькаонинг эгалик ҳуқуқи "Монако"га тегишли бўлиб, футболчи ҳозирда "МЮ"да ижара асосида ўйнамоқда. Манкунианликлар ёзда футболчининг ҳуқуқини ҳам "Монако"дан сотиб олишлари лозим.
