Ўзбекистонлик ҳужумчи Баҳодир Насимов куни кеча Эроннинг "Падиде" клуби билан 1 йиллик шартнома имзолади. Бу ҳақда www.persianfootball.com сайти хабар тарқатди.
Самарқандлик 27 ёшли ҳужумчи ёзга қадар Эрон Про-лигасида Машҳад шаҳри шарафини ҳимоя қиладиган клуб сафида тўп суради. Насимов форс клуби таркибига эркин агент сифатида ўтди.
Бунгача Бокунинг "Нефтчи" клуби сафида 4 йил ўйнаб, 40га яқин гол муаллифига айланди. Бироқ 2014 йилнинг ёзида бокуликлар Насимов билан шартномани узайтиришни исташмади.
Баҳодир Насимов футболчилик фаолиятини Самарқанднинг "Динамо" клубида бошлаган. Кейинчалик "Бунёдкор" сафида Ҳамдўстлик кубогида иштирок этди ва шундан сўнг Қозоннинг "Рубин" клуби сафига ўтганди.
