"ПСЖ" ҳужумчиси Эдинсон Каванининг фикрича, жамоадоши Златан Иброҳимович "Олтин тўп"га муносиб эди.

"Биз Златан билан тандемда ўйнашимиз мумкин. У ҳимоячиларни ўзига жалб этиши ва шу орқали бўшлиқ ҳосил қилиши мумкин. У билан бирга ўйнаб, ўйинчи сифатида ўсиш мумкин.

Менда шунга ўхшаш ҳолат Уругвай терма жамоасида Луис Суарес билан рўй берганди. Аммо ҳозирги тактикамиз бироз фарқ қилади.

Иш бўйича Иброҳимович билан муносабатларимиз жойида. Биз бир жамоа учун ўйнаймиз ва ўзаро яхши чиқишамиз. Умуман, жамоадаги барча ўйинчилар билан муносабатларим шундай.

"Олтин тўп"га келсак, Иброҳимовичнинг рақиблари талайгина бўлишига қарамай, у бу совринга муносиб эди. У буни исботлаган ва охирги йилларда майдонда ақл бовар қилмас ишларни амалга оширмоқда", - дейди Кавани.