"Барселона" ҳимоячиси Хавьер Маскерано Испания чемпионати доирасидаги "Сельта"га қарши ўйинда жамоаси кўрсатган ўйин тўғрисида фикр билдириб ўтди. Эслатиб ўтамиз, каталонияликлар ўтган турда "Реал"га 1:3 ҳисобида имкониятни бой бергандилар.

"Менимча, ёмон ўйин ўтказдик. Бирор дақиқа ҳам ўзимизга қулай ўйин кўрсата олмадик. Голли вазиятлар яратдик, аммо ўз услубимизда ўйнашни эплолмадик. Айнан шу нарса мени ташвишга солмоқда.

Рақибларимиз яхши ўйнашди. Улар баъзи вазиятларни бизнинг тўп йўқотишимиздан сўнг вужудга келтирдилар. Агар бу каби жамоани ютишни истасангиз, курашни охиригача давом эттиришингизга тўғри келади.

"Реал" ва "Сельта"дан учралган мағлубиятлар бир-биридан фарқ қилади. Биз бугун ёмон ўйнадик", дея Маскеранонинг сўзларидан иқтибос келтириб ўтган испан нашрлари.