"МЮ" яримҳимоячиси Хуан Мата жамоасининг "Манчестер Сити"га қарши ўйиндаги мағлубияти ҳақида гапириб, вазиятни ўнглаш борасида фикр билдириб ўтди. Эслатиб ўтамиз, унинг жамоаси АПЛда пешқадам "Челси"дан 13 очкога ортда қолмоқда.

"Дерби - ўзи қизиқ нарса. Манчестер дебрисида эса янада ўзига хос бир қизғинлик бор. Ўйин олдидан бир ҳафта бутун шаҳар дербининг ана шу қизғин ҳавосида нафас олади. Айнан шу сабабли ҳам мағлубият аламига чидашимиз қийин бўляпти. Кечаги ўйинда жамоадошларимга ёрдам бера олмаган бўлсам ҳам "Юнайтед"нинг ҳар бир ўйинчиси руҳан азобланди дея оламан. "Сити" билан сафарда ўйнаш ҳамиша оғир кечган, қизил карточка эса вазифамизни янада қийинлаштирди.

Очиғини айтганда, ҳозир бизни турнир жадвали эмас, қай тариқа ўз йўлимиздан кетаётганимиз ва етакчилар гуруҳига қўшилиб олишимиз кўпроқ қизиқтиради. Ўз ўйинимизни яхшилашимиз ва бир неча марта ғалаба қозонишимиз шарт. Буни уддалай олишимизга ишончим комил. Шубҳасиз, биз "Кристал Пэлас"га қарши ўйинда вазиятда тўғрилай оламиз", - деди Мата клуб расмий сайтидаги ўз блогида.