«Манчестер Сити» ҳимоячиси Пабло Сабалета «Манчестер Юнайтед»га қарши ўйиндаги ғалабадан (1:0) кейин шаҳарнинг бош жамоаси ҳақидаги фикрларини баён қилди. Аргентиналик футболчи, шунингдек, ЦСКАга қарши ЕЧЛ 4-тур ўйини борасида ҳам ўз фикрларини билдириб ўтди.

«Жамоамиз раҳбарияти ва "Сити" футболчилари клубни нафақат шаҳар миқёсида, балки Премьер-лига ва Европа миқёсида катта жамоага айлантириш учун ҳаракат қилишмоқда. Балки аввалги йилларда "Юнайтед" шаҳарнинг бош жамоаси бўлгандир, ҳозир вазият бироз ўзгарган.

Чоршанба куни бизни навбатдаги муҳим ўйин кутиб турибди. ЦСКАга қарши биринчи ўйинда бизга омад кулиб боқмади. Биз 2:0 ҳисобида олдинда бораётиб, 2:2 ўйнадик. Энди бизга ғалаба жуда зарур, акс ҳолда гуруҳдан чиқишимиз қийин бўлади. Ғалаба бизга жадвалда ўз ўрнимизни эгаллашга ёрдам беради. Аввалгидан кўра яхшироқ ўйнай олишимиз мумкинлигини исботламоқчимиз», — дейди Сабалета.