"Челси" бош мураббийи Жозе Моуриньо чемпионлар лигаси гуруҳ босқичининг 4-турида "мариблор"га қарши сафардаги учрашув олдидан фикрлари билан ўртоқлашди.

"Рақибнинг яхши жамоа эканини биламан. Мен уларнинг "Спортинг" ва"Шальке"га қарши ўйинларини кўрдим, шунингдек, Словения лигасидаги ўйинларини ҳам. Клуб жуда яхши ташкил қилинган, тажавузкор ўйнашга ҳаракат қиладиган яхши футболчиларга эга. Мен катта клублар кам ўйнайдиган шаҳарларга боришни яхши кўраман. Словения клублари чемпионлар лигасида кам қатнашади, шунинг учун бизда катта маъсулият бор: ўзимиз учун эмас, стадионга келганлар учун ҳам ўз маҳоратимизни кўрсатишимиз керак.

Мен футболдан завқ оляпман. Бу завқнинг бир қисми - доим яхшироқ бўлишга интилиш. Яна 10 йилдан сўнг ҳам, 60 ёшимда ўйинчилар мен ҳақимда "бу чол яна ғалаба қозонишни истайди, ҳар доим ривожланишга интилади, доим ғалабага ташна" дейишларини истайман. Ҳозир мен фаолиятимнинг энг яхши дамларини ўтказяпман, ундан тўла ҳузурланмоқчиман. Ҳузурларимддан бири - энг яхши мусобақаларда энг яхши жамоаларга қарши ўйнаш, энг яхши клубларда энг яхши футболчилар билан шуғулланиш. Агар ўйинларга мураббий кўзи билан назар ташласанг, уни янада яхшилаш мумкинлигини кўрасан", - дейди Моуриньо.