"Манчестер Юнайтед" бош мураббийи Луи ван Гал жамоани етарлича кучли қилиб шакллантириш учун қанча вақт кераклиги тўғрисида гапириб ўтди.
"Биз етарли даражада кучли эмасмиз, аммо бошқа тарафдан олиб қараганда, ҳозир ишимизнинг энг бошида айтганим - қурилиш жараёни кетмоқда ва бу жараён бир йилдан ошиқроқ - уч йил давом этиши керак.
Биринчи навбатда мен мухлислар ва директорлар кенгашидан миннатдорман, чунки улар менга, менинг штабимга ва менинг жамоамга ишонч билдиришмоқда", - дея таъкидлади ван Гал.
Эслатиб ўтамиз, АПЛнинг 10 туридан сўнг 13 очко тўплаган "МЮ" 1986 йилдан буён ўз тарихидаги энг ёмон стартни амалга оширмоқда.