"Челси" клуби бош мураббийи Жозе Моуриньо Испания терма жамоаси ҳужумчиси Диего Костани принципиал рақиб — "Ливерпуль"га қарши бўладиган ўйинга асосий таркибда туширмоқчи эканини айтиб ўтди.

"Диегонинг Испания термаси учун ўйнамаслиги қувонарли ҳолат, лекин бу хали аниқ эмас. Бу масалада мени умуман алоқам йўқ. Чемпионлар лигасидаги сўнгги ўйинимизда уни захирада қолдирдим, лекин воқеалар ривожи биз хоҳлагандай давом этмагани учун уни иккинчи бўлимда майдонга туширишга мажбур бўлдим. Футболчи эртанги ўйинга тайёр. Диегонинг Испания термасининг навбатдаги ўйини қайдномасига киритилмаганини эшитиш анча ёқимли бўлди ва бу учун Испания футбол федерациясига миннатдорчилик билдираман", - деди португалиялик мутахассис.