"Челси" бош мураббийи Жозе Моуриньо Англия чемпионатининг 11-турида "Ливерпуль"га қарши учрашувдан сўнг (2:1) фикрларини билдирди.
"Биз фантастик ўйин ўтказдик. Ҳамма ўйинчилар яхши ўйнадилар. Биз ўйиннинг боришини назорат қилдик.
Кўп жамоалар "Энфилд"дан бир очко билан қайтсалар дўппиларини осмонга отадилар, аммо бизга бу камлик қилади. Мен жуда мамнунман.
Рамирес ва Фабрегасларни алоҳида таъкидлашни истардим, шунингдек улар билан иш олиб борган шифокорларимизни ҳам. Сеск кейинги ўйинни ўтказиб юбриши мумкин.
"Ливерпуль" ҳамма нарса қилиб кўрди, улар ёмон ўйнамадилар, аммо "Челси" кучлилик қилди. Бу янги "Челси", клуб тарихида янги эра.
Биз таркибимиздан ҳам, кўрсатаётган ўйинимиздан ҳам мамнунмиз. Ҳеч нарса ютмай туриб, тарихга кириб бўлмайди, аммо ҳозирча ҳеч қандай соврин ютганимиз йўқ", - дейди Моуриньо.
