Лондоннинг "Арсенал" жамоаси Англия чемпионатининг навбатдаги турида мағлубият аламини тортишга мажбур бўлди.

"Суонси Сити" майдонида бўлиб ўтган ўйиннинг биринчи бўлимида ҳисоб очилмади. Учрашувнинг 63-дақиқасида Алексис Санчес ҳисобни очишга муваффақ бўлди. Бироқ ўйин тугашига 15 дақиқа қолганида мезбонлар рақиб дарвозасини икки марта ишғол қилишди. Дастлаб Сигурдссон жарима зарбасини чиройли тарзда голга айлантирган бўлса, Гомис эса захирадан майдонга тушган заҳоти бош билан дарвозани ишғол қилди.

Арсен Венгер шогирдлари ҳисобни тенглаштириш учун ўзида куч топа олишмади. Натижада "Суонси Сити" ўз очколарини 18тага етказган ҳолда, "Арсенал" (17 очко)дан ўзиб кетди ва 5-ўринга кўтарилиб олди.

АПЛ, 11-тур
Суонси – Арсенал 2:1 (0:0)
Голлар: 0:1 – 63 Санчес, 1:1 – 75 Сигурдссон, 2:1 – 78 Гомис.
Суонси – Фабианьски, Н.Тэйлор, Ранхель, Бартли, Уильямс, Ки Сон Ен, Т.Кэрролл (Бриттон, 87), Сигурдссон, Монтеро, Бони (Гомис, 76), Эмнес (Барроу, 67).
Арсенал – Шченсни, Гиббс, Чемберс (Саного, 90), Мертесакер, Монреаль, Касорла, Окслейд-Чемберлен, Санчес, Фламини (Уилшер, 79), Рэмзи (Уолкотт, 79), Уэлбек.
Огоҳлантиришлар: Н.Тэйлор (37), Ки Сон Ен (41), Рэмзи (45), Уильямс (50), Мертесакер (55), Чемберс (62), Т.Кэрролл (63), Гиббс (74), Санчес (86), Барроу (90).