Испания терма жамоаси бош мураббийи Висенте дель Боске терма жамоадаги каталониялик футболчиларнинг садоқатига шубҳа қилмаяпти.
Унинг бу фикри 9 ноябрь кунги Каталония мустақиллиги учун ўтказилган сўровномадан сўнг юзага келди. Сўровномада "Барселона" футболчилари ҳам иштирок этишган.
"Каталониялик ўйинчилар борасида ҳеч андай хавотирим йўқ. Улар Испания терма жамоаси шарафини ҳимоя қилиш учун терма жамоада бўлиб турганларини исботлаганлар", - дейди Дель Боске.
Эслатиб ўтамиз, 15 ноябрь куни испанлар Евро-2016 саралаш босқичида Беларус термасига қарши, 18 ноябрь куни эса Германия термаси билан ўртоқлик учрашуви ўтказадилар.
