“Барселона” ярим ҳимоячиси Хави клубдаги жамоадоши Лионель Месси Англия премьер-лигасида Испания Примерасидагидан ҳам ёрқинроқ ўйин намойиш қила олиши мумкинлигини айтиб ўтди.
“Ўйлашимча Англия премьер-лигасида Месси яна ҳам яхшироқ ўйнаган бўларди, чунки у ерда жамоалар асосий эътиборни ҳужумга қаратишади. Инглиз клублари “Барселона”га қарши ўйинларда “бирга бир” услуби бўйича ҳимояланишади, асосан босим ва қувват сарфлашади. Лекин Англияда Лео учун майдонда Примерадагига қараганда кўпроқ очиқ зоналар берилади”, — дея Хави сўзларини келтиради BBCга таянган ҳолда Championat.com.
Эслатиб ўтамиз, Месси бу йилги мавсум Испания чемпионатида 11 ўйин (7 гол, 7 голли пас) ўтказган.
