Шу кунгача Ўзбекистон ҳаваскор ва профессионал муайтай федерациясига раҳбарлик қилиб келган Шерзод Тошматов мамлакатимиз бокс федерацияси вице-президенти этиб тайинланди. Ш.Тошматов параллел равишда Республика Шарқ якка курашлари ва жанг санъати марказида ҳам вице-президент лавозимида ишлашда давом этади.
Ушбу лавозимда фаолият юритиб келган Малик Бобоев эса бундан буён бокс федерацияси бош котиби вазифасини бажаради. Маълумот ўрнида айтиб ўтамиз, Ўзбекистон Темирйўллари ДАТК раиси, “Ўзбекистон Қаҳрамони” Очилбой Жуманиёзович Раматов мамлакатимиз бокс федерацияси президенти ҳисобланади.
