Италия терма жамоаси бош мураббийи Антонио Конте Албанияга қарши ўртоқлик учрашувидан сўнг (1:0) фикрлари билан ўртоқлашди.
"Биз беш ўйинда ғалаба қозондик ва бир дуранг ўйнадик. Кимдир кулиши мумкин, аммо шогирдларим ҳақиқатдан ҳам терма жамоа сафида ўйнашни хоҳлайдилар ва таркибдан жой олишга ҳаракат қилмоқдалар. Мен улардан бир ярим кунда асосий таркиб билан ўйнаган Албанияга қарши ўйинга тайёр бўлганликлари учун миннатдорман.
Биз ишлашда давом этишимиз керак. Жамоа агар хоҳласа ҳар қандай натижага қодир эканлигини исботлади. Ҳеч ким бизга ёрдам бермайди, ҳаммасига ўзимиз эришишимиз керак", - дейди Конте.
