Бугун Корея Футбол Ассоциацияси Кей-лига 36-тур қаҳрамонларини эълон қилди. Эътиборлиси, "Сеонгнам" ва Ўзбекистон терма жамоаси аъзоси Сервер Жепаров тур рамзий терма жамоасидан ўрин олди.
Рамзий терма жамоада Сервер ярим ҳимоя чизиғида қайд этилган бўлса, "Сеонгнам" ҳимоячиси Парк Жин По ҳам ушбу 11таликдан жой олган. Ассоцияция эълон қилган тур рамзий терма жамоасидаги таърифда Сервер Жепаровга қуйидагича баҳо берилган:
"Пичоқ дамидек ўткир узатмалари, ажойиб жисмоний ҳаракатлари билан жамоасининг ҳужумларини ташкил этди ва гол киритди".
Шунингдек, Сервер Жепаровнинг 36-турда "Кёнгнам" дарвозасига киритган голи корейс ОАВлари томонидан мухлислар ўртасида ўтказган сўровномага кўра "энг чиройли голлар" бешлигидан жой олган.
Отабек Йўлдошев
Жанубий Корея, Сеул
