Тошкентнинг "Локомотив" клуби ҳужумчиси Александр Гейнрих Қозоғистоннинг "Ордабаси" клубидан таклиф олган. Бу ҳақда prosportkz.kz сайти футболчига яқин манбага асосланиб хабар тарқатди.
Манбага кўра, Гейнрих ҳозирда чимкентликларнинг ушбу таклифи юзасидан ўйламоқда. Аммо вазият кейинчалик қандай ривожланишини ҳозирдан айтиш қийин.
Гейнрих 2012 йилда илк марта Қозоғистон чемпионатига борганди. У "Актобе" сафида бронза ва олтин медалларини қўлга киритди. У ёзда клуб сафини тарк этиб, "Локомотив" сафида Ўзбекистон кубогини қўлга киритди ва Олий лигада кумуш медалга сазовор бўлди. Иккинчи давра давомида 11та ўйинда майдонга тушиб, 7та гол муаллифига айланди.
