Испанияда ўта қизиқ янгилик тарқалди. El Larguero нашри хабар беришича, Жозе Моуриньо келажакда "Барселона"ни бошқариши мумкин экан.
Хабарингиз бор, яқин ойларда ичида Каталония клубида сайловлар бўлиб ўтади. “Барселона” президентлигига асосий номзодлардан бири деб, олдин ҳам мана шу лавозимда фаолият олиб борган Жоан Лапорта кўрсатилмоқда. Айнан у Жозе Моуриньони Каталония клубига олиб келмоқчи. Лапорта мураббийнинг агенти Жоже Мендеш билан учрашиб, бу масалани муҳокама қилиб олган.
Нашрда берилган маълумотларга кўра, Лапорта Мендешдан “Барселона”га “Реал” юлдузи Криштиану Роналдуни олиб ўтиш ҳақидаги таклифини ҳам айтиб ўтибди. Лекин, ҳужумчининг агенти бу трансфернинг умуман иложиси йўқ эканлигини айтган.
Моуриньо айни пайтда “Челси” клуби бошқарувида. “Барселона”нинг бош мураббийи эса – Луис Энрикедир..
