Жанубий Кореянинг "Сеонгнам Илва Чунма" клуби ярим ҳимоячиси Сервер Жепаров Жанубий Корея Футбол ассоциацияси Кубоги доирасидада "Сеул"га қарши кечадиган баҳсда бор кучи билан ҳаракат қилишини таъкидлаб ўтди.
"Албатта биз Кубокни қўлга киритиш учун қўлимиздан келган барча ишни қиламиз. Бу буткул бошқа мусобақа. Агарда чемпионатда омадимиз келмаган бўлса, Кубокда унинг ҳам ҳиссасини чиқариб олиш лозим.
"Сеул" билан мени жуда яхши хотиралар боғлаб туради. Мен бу жамоа таркибида чемпионат ва Кубокда ғолиб чиққан эдим. "Сеул" мухлислари ҳамон менга нисбатан илиқ муносабатда бўладилар. Шунга қарамай мен ҳозир "Сеонгнам" шарафини ҳимоя қилмоқдаман ва "Сеул"ни мағлуб этиб, Кубокни бошим узра кўтаришни истайман", - дейди Сервер Жепаров.
