"Реал" футболчиси Гарет Бэйл ўзининг "Тоттенхэм"даги фаолияти ва Мадриддаги дастлабки мавсуми борасида ўз фикрларини билдириб ўтди.
"Агар "Реал"дан таклиф тушмаганида, "Тоттенхэм"ни ташлаб кетмаган бўлардим. Умид қиламан, мухлислар мени кечира олишди. Чемпионлар лигаси финалидан кейин мен билан фахрланган мухлислардан мактублар олиш ёқимли бўлди. Фаолиятимнинг "Тоттенхэм"даги даври менга жуда ёқарди. Мухлислар мени жуда яхши қўллаб-қувватлашарди. Ўйлайманки, мухлислар мени тўғри тушунишди. "Реал" сафига қўшилиш имконияти ҳаётда бир марта бўлади. Мен яхши ўйнаётгандим ва ўзимни синаб кўришни истардим. Нима учун ушбу қадамни ташлаганимни "Реал" билан Чемпионлар лигасидаги ғалаба кўрсатиб берди", - дейди Гарет Бэйл.
