«Барселона» ҳужумчиси ва Аргентина терма жамоаси ҳужумчиси солиқларни тўламагани учун қамалиши мумкин. Бу ҳақда "The Guardian" нашри хабар тарқатди.

«Яна бир қанча таниқли спортчилар солиқлар билан муаммоларга дуч келишган. Масалан, Хаби Алонсо, Икер Касильяс ва Рафаэль Надаль. Лекин жиноий иш очилган одам фақат Месси бўлди. Шу боис у қамалиши мумкин», - вазиятга яхши хабардор бўлган инсоннинг сўзларидан иқтибос келтирмоқда газета.

Суд ишлари боис аргентиналик футболчи Испания давлат ғазнасига тахминан сўнгги бир йил ичида 52 миллион евро тўлаган. Айнан суд билан боғлиқ можаролар туфайли аргентиналик футболчи бошқа жамоага ўтмоқчи. Ўз навбатида «Барселона» уни 2016 йилда сотиб юбормоқчи.

The Guardian нашрининг маълумот беришича, Мессига нисбатан қилинаётган ушбу ишлар Испания ҳукуматининг Каталонияга қарши олиб бораётган ишлари бўлиши мумкин. Боиси, "Реал" футболчилари билан боғлиқ ишлар судгача етиб бормасдан ҳал қилинган. Фақат «Барселона» футболчиларига нисбатан жиноий иш очилган.

«Месси икки хил стандартнинг қурбонига айланди», - дейилади манбада.