«Арсенал» бош мураббийи Арсен Венгер сўнгги пайтларда ўтказиб юборилаётган кўплаб голларга ҳимоя чизиғи вакилларининг тажрибасизлиги сабаб бўлаётганини таъкидлади.
«Бизга тажриба етишмаяпти. Икки нафар тажрибали ҳимоячимиз Матьё Дебюши ва Лоран Косьелни сафдан чиқди. Агар бизга яхлит жамоа сифатида қараладиган бўлса, яхши ҳимояланаётганимиз учун жамоамни мақташни истайман. Боиси, биз тўпни рақибдан энг тез олиб қўяётган жамоа бўлиб турибмиз. Рақибларга жарима майдончамизга яқинлашиш имкониятини кам беряпмиз.
Ўзимиз тўпни йўқотишимиз мумкин бўлган вазиятларда тартибли ўйнашимиз керак. Бундай ҳолат кам содир бўлмоқда, лекин биз бундай вазияттларда тартибли ўйнашимиз керак», — дейди Арсен Венгер «Арсенал» расмий сайтига берган интервьюсида.
