«Челси» бош мураббийи Жозе Моуриньо Англия Премьер-лигаси 20-тури доирасида «Вест Бромвич»га қарши ўйин олдидан ўз фикрларини билдириб ўтди.

«Мен ғалаба кутяпман. Биз ўйиндан ўйинга ҳаракатланяпмиз. Бунинг учун бизда ажойиб жамоа бор. Биз «Ливерпуль», «МЮ» ва «КПР» билан ишончли ўйин ўтказдик. "Вест Бромвич"га қарши қийин ўйин кутяпман. Бу жамоа биздан очко олишни билади.

Энди чемпионатда зич ўйинлар даври бошланади. Бундай пайтда мағлубиятга учраш эҳтимоли ошади. Бу ўзига бўлган ишончсизлик ёки бошқа нарса эмас. Бу шунчаки футбол. Масалан, "Марибор" ўйинни оладиган бўлсак, бу ерда ҳеч қандай шубҳа йўқ эди, жамоа яхши ўйнади. Рақиб дарвозабони яхши ўйнагани учун "Марибор" очко олди.

Агар Премьер-лигада мағлуб бўладиган бўлсак, бунга фақат битта нарса сабаб бўлади — бу футбол», — дейди португалиялик мутахассис.