Айни пайтда "Эстудиантес" клуби президенти, "Манчестер Юнайтед" ҳамда "Интер" клубларининг собиқ аъзоси Хуан Себастьян Верон "Ювентус" ҳужумчиси Карлос Тевес ҳақида илиқ фикрлар билдириб ўтди.
"Тевес "Манчестер Сити" билан бир қанча ажойиб мавсумларни ўтказган, аммо "Ювентус" сафида бундан-да яхшироқ ўйнамоқда. У бу ерда фаолияти давомидаги энг яхши ўйинларини намойиш этяпти. Тевес тобора хотиржам ҳамда пишиб етилган ўйинчига айланиб бормоқда. Унинг кўзларидан "Ювентус"да бахтли эканини ўқимоқдаман.
Қачондир ўзингни бирон бир жамоа ичида қулай ҳис этганингда пуллар энг муҳими бўлмай қолади. Менга Карлосга Туринда барча нарса маъқул бўлаётгандек кўринмоқда", - дейди Верон.
Қайд этиш ўринли, А-сериянинг ушбу мавсумида Тевес 9 учрашувда 8 та гол урган.