"Арсенал" бош мураббийи Арсен Венгер Англия чемпионатининг 12-турида "Манчестер Юнайтед"га қарши учрашувдан сўнг (1:2) фикрларини билдирди.
"Биз ўйиннинг 80 фоиз қисмида устунлик қилдик. Аммо ҳужумларни якунлашда бизга аниқлик етишмади. Бу ўйинда ғалаба қозониш учун бизга етарли вазиятлар бўлди. Топ-клубларга қарши ўйинларда юзага келган вазиятлардан фойдаланиш керак. Агар ўзимизга кўпроқ ишонадиган бўлсак, натижалар ҳам келаверади", - дейди Венгер.