"Манчестер Юнайтед" бош мураббийи Луи ван Гал Англия чемпионатининг 12-турида "Арсенал" устида сафарда қозоилган ғлабадан сўнг (1:2) фикрларини билдирди.
"Жуда керакли вақтдаги фантастик ғалаба. Бизда жароҳат олганлар кўп, шунга қарамай бу ўта қийин учрашувда ғалаба қозондик.
"Арсенал" - яхши ҳужумкор жамоа. Ҳозир кулишим мумкин, аммо фараз қилинг, агар улар биринчи бўлимдаги 4-5 вазиятни голга айлантирганларида, бутунлай бошқа ўйин бўлар эди.
Ҳа, рақибда хавфли вазиятлар кўп бўлди, биз ҳам уларга хавф солдик. Биринчи бўлимда бизга ўзимизга бўлган ишонч етишмади. Иккинчи бўлимда гол киритганимиздан ажабланмадим, иккинчи бўлимда яхши ҳаракат қилдик.
Шоунинг жароҳати янгиланмади, бу янги жароҳат. Унинг жиддийлиги вақт ўтгач, маълум бўлади. Бизда жароҳатлар жуда кўпайиб кетди", - дейди Ван Гал.
