"Реал" бош мураббийи Карло Анчелотти Испания чемпионатининг 12-турида "Эйбар" устидан қозонилган ғалабадан сўнг (4:0) фикрлари билан ўртоқлашди.

"Иско ажойиб ўйин кўрсатди, у ҳимояда ҳам ишонч билан ўйнади ва жамоага ҳужумда ҳам ёрдам берди. У Модричнинг ўрнида ўйнай олишини кўрсатди.

Бутун жамоа яхши ўйнади, бутун ўйин давомида диққатимиз чалғимади. Футболчиларга миннатдорчилик билдирмоқчиман.

Менинг Хедира билан ҳеч қандай муаммом йўқ. У терма жамоаси сафида иккиа ўйин ўтказди, шунинг учун Искони туширишни маъқул кўрдим.

Шбҳасиз, қачондир мағлубиятга учраймиз. Аммо ҳозир ғалабалар сериямизни давом эттирмоқчимиз. Ўйинчиларнинг мотивацияси яхши, улар ажойиб иш бажармоқдалар", - дейди Анчелотти.