Италиянинг "Милан" клуби бош мураббийи Филиппо Инзаги Милан дербисида жамоаси "Интер" устидан ғалаба қозона олмагани учун ҳафа эканини таъкидлади.
"Ўйинда бир қатор яхши вазиятларга эга бўлдик, аммо улардан фойдалана олмадик. Шундай бўлса ҳам, шогирдларимнинг ўйинидан хурсандман. Улар бутун ўйин давомида "Интер"дек кучли рақибга қарши бор кучлари билан ўйнашди", - дейди италиялик мураббий.
"Интер" бизга босим ўтказди, аммо гол уриш учун биздек қулай имкониятларга эга бўлмади. Биз хатога йўл қўйдик ва уларга гол уриш учун имкон бердик. Устунлик кўпроқ биз томонда бўлди, шунинг учун ҳам бугун "Интер"ни юта олмаганимиздан ҳафаман", - дейди Инзаги.