"Челси" бош мураббийи Жозе Моуринью ўз шогирди Диего Коста шаънига бўлаётган танқидлардан уни ҳимоя қилиб чиқди.
Кўпчилик Костанинг Испания терма жамоасида ўйнашни истамаётганлиги ҳақида гапирмоқда, Серхио Рамос эса асли бразилиялик футболчининг Испания учун садоқатига шубҳа қилмоқда.
"Диего Коста жароҳатлардан энди қутулди, яхши тикланиши учун икки ҳафта дам олиши керак эди. Серхио Рамос - фантастик ўйинчи, аммо у шифокор эмас. Худди мен каби.
Бизнинг ва Испания терма жамоаси шифокорлари яхшилаб текшириб, футболчининг ўйнайдиган аҳволда эмаслигини аниқлашди. Уларнинг хулосасини рад қилгани мен ҳеч ким эмасман. Серхио Рамос ўтган икки йил ичида тиббий фанлар магистри даражасини олганига ва бу борада шифокорлардан яхшироқ тушунчага эга эканлигига ишонмайман", - дейди Моуриньо.